Abertoir
Gwyl Arswyd Rhyngwladol Cymru

19 - 24 Tachwedd 2019

Amdano Gŵyl Arswyd Abertoir

Mae Abertoir yn wyl arswyd a ffilmiau arswyd blynyddol sy'n digwydd yng Nghanolfan y Celfyddydau Aberystwyth yng Ngheredigion, Cymru, ym mis Tachwedd. Dechreuodd yr wyl fel digwyddiad tri-diwrnod ac wedi tyfu ers hynny i raglen chwe-diwrnod. Abertoir yw unig wyl arswyd o'r fath yng Nghymru ac yn aelod o Ffederasiwn Gwyliau Ffilm Ffantastig Ewropeaidd. Yn ogystal a dangos ffilmiau arswyd mawr newydd, mae clasuron a ffilmiau annibynnol yn ran bwysig iawn o raglen yr wyl. Daliwyd cystadleuaeth ffilmiau fer pob blwyddyn, sy'n roi llwyfan i ffilmiau byrion arswyd a ffantasi o dros y byd i gyd. Yn ogystal a dangosiadau ffilmiau, mae'r wyl yn rheolaidd yn cynnwys cyngerddau, sioeau theatre a sgyrsiau gyda gwesteion yn y rhaglen.

Mae Gŵyl Arswyd Abertoir yn cadw at god ymddygiad Canolfan y Celfyddydau Aberystwyth yn ogystal ag Egwyddorion Gwrth-Fwlio ac Aflonyddu'r BFI, sy’n cael eu cefnogi gan Ffilm Cymru Wales. Os teimlwch chi fod yr egwyddorion yma wedi’i torri os gwelwch yn dda cysylltwch â ni cyn gynted ag sy’n bosib.

Darllenwch ein datganiad amgylcheddol yma.

Gaz Bailey

Gaz Bailey
gaz[at]abertoir.co.uk
Cyfarwyddwr yr Ŵyl

Nia Edwards-Behi

Nia Edwards-Behi
nia[at]abertoir.co.uk
Cyfarwyddwr yr Ŵyl

Tristan Bishop
DJ Preswyl

Rhys Fowler

Rhys Fowler
rhys[at]abertoir.co.uk
Cyfarwyddwr yr Ŵyl

Vincent Price

Vincent Price
'Nawddsant' Swyddogol yr Ŵyl

Canolfan y Celfyddydau Aberystwyth

  • Canolfan y Celfyddydau Aberystwyth

    Canolfan y Celfyddydau Aberystwyth, sydd wedi ennill sawl wobr, yw’r ganolfan gelf fwyaf a phrysuraf yng Nghymru, gyda rhaglen eang o ddigwyddiadau a gweithgareddau ar draws yr holl ffurfiau celf. Fe’i cydnabyddir fel canolfan genedlaethol ar gyfer datblygu’r celfyddydau. Mae’n croesawu dros 650,000 o ymwelwyr y flwyddyn, gan gynnwys dros 98,000 o unigolion sy’n mynychu ein rhaglen addysgol celfyddydau cymunedol unigryw.

    Mae’r Ganolfan yn adran o Brifysgol Aberystwyth, ac fe’i lleolir yng nghanol campws y brifysgol gyda golygfeydd ysblennydd ar draws tref Aberystwyth ac ar hyd arfordir Bae Ceredigion.

    Yn 2000 cwblhawyd prosiect ail-ddatblygiad sylweddol gwerth £4.3 miliwn yn y Ganolfan, gyda chefnogaeth ariannol gan y Loteri Genedlaethol yn bennaf.  Gyda chyfleusterau sydd heb eu hail yn y rhan fwyaf o’r DU, fe’i cydnabyddir fel ‘banerlong genedlaethol ar gyfer y celfyddydau’.

    Am ragor a fanylion (gan gynnwys sut i gyrraedd yma), ymwelwch â gwefan y Ganolfan.

back to top

Aelod o'r EFFFF

  • Aelod o'r EFFFF

    Mae’n fraint gan Abertoir fod yn aelod pleidiol o’r EFFFF, yn cynrychioli Cymru yn y ffederasiwn Ewropeaidd hwn sydd uchel ei barch yn y maes.

    Gyda thua 20 o wyliau ffilm yn cael eu cynrychioli, ar y cyfandir Ewropeaidd yn ogystal ag aelodau cefnogol yn Asia a Gogledd America, a chynulleidfa ar y cyd o dua 600,000, mae’r Ffederasiwn Gwyliau Ffilm Ffantastig Ewropeaidd (EFFFF) erbyn hyn yn un o’r mudiadau mwyaf pwerus o safbwynt hyrwyddo gwreiddioldeb a chreadigedd y diwydiant ffilm ffantasi Ewropeaidd.

    Gyda chynrychiolaeth mewn 16 o wledydd, mae’r mudiad wedi datblygu rhwydwaith cadarn o wyliau ffilm sy’n caniatau ffilmiau i gyrraedd cynulleidfaoedd tramor yn fwy rhwydd ac sy’n eu cyflwyno at sylw’r cyhoedd, y wasg a phobl proffesiynol yn y maes, rhywbeth na fyddai’n bosibl fel arall.

    Gyda’r bwriad o gefnogi sinema ffantastig Ewropeaidd yn gelfyddydol ac yn economaidd, mae’r EFFFF wedi creu’r Gystadleuaeth Golden Méliès ar gyfer y Ffilm Ffantastig Ewropeaidd Orau.

    Mae’r gystadleuaeth unigryw hon, sy’n agored i ffilmiau nodwedd a ffilmiau byrion, yn cael ei threfnu ar y cyd gan holl aelodau Ewropeaidd y Ffederasiwn. Mae’r ffilmiau a ddetholir yn y gystadleuaeth hon yn cael eu hyrwyddo yn y prif farchnadoedd ffilm ac ym mhob un o’r gwyliau ffilm.

    Fel rhan o rôl Abertoir yn y rhwydwaith unigryw hwn, bydd ein cystadleuaeth ffilmiau byrion yn cyflwyno Enwebiad Ffilm fer ar gyfer gwobr Méliès d'Or, hynny yw bydd enillydd Abertoir yn mynd ymlaen i rownd derfynol Gŵyl Ffilm Sitges yn Sbaen ar gyfer Gwobr Méliès d'Or am y Ffilm Fer Ffantastig Ewropeaidd Orau.

Cefnogir gan Ffilm Cymru Wales

  • Cefnogir gan Ffilm Cymru Wales

    Prif ffynhonnell cyllid Abertoir yw Ffilm Cymru. Yr unig asiantaeth ffilm yng Nghymru, mae ganddi gyfrifoldeb i sicrhau bod agweddau economaidd, diwylliannol ac addysgiadol ffilm yn cael eu cynrychioli’n effeithiol yng Nghymru, y DU a’r byd.

    Wedi’i sefydlu ym mis Gorffennaf 2006 fel asiantaeth strategol, mae Ffilm Cymru yn anelu at gefnogi datblygiad diwydiant ffilm ymarferol a chynaliadwy yng Nghymru ac hyrwyddo diwylliant ffilm bywiog a deinamig.

    Mae Abertoir yn estyn diolch enfawr i Ffilm Cymru am gefnogi’r ŵyl ac am ddod â hi mor bell â hyn!

Funded by

British Film InstituteArts Council of Wales Film Agency for Wales Supported by The National Lottery through the Arts Council of Wales

Cefnogir gan

Aberystwyth UniversityAberystwyth Arts CentreBritish Academy of Film and Television Arts Cymru